Tíu þúsund tregawött er vefrit um ljóðlist sem stofnað var snemma árs 2006 með það að markmiði að kynda undir hugsun um ljóðlist og jóðlrænni hugsun. Vefritið hóf göngu sína á blogspot en fluttist fljótlega að tregawott.net - þar sem það birtist í bloggformi fram til haustsins 2008. Þá birtist fyrsta ‘tölublað’ ritsins, í kjölfar ákvörðunar ritstjórnar um breytta skipan mála - þar sem styttri fréttum, ábendingum og nýlegheitum um ljóðlist er bloggað en eilífðarmálum safnað í stök tölublöð ætluð undir ný frumsamin ljóð, ljóðaþýðingar, greinar, viðtöl o.s.frv. Skömmu eftir skipulagsbreytingar var síðan lögð niður og henni breytt til samræmis við nýjar áherslur.

Í hverju tölublaði Tíu þúsund tregawatta er ákveðið þema - jafnan eitt orð, opið og túlkanlegt - en auk þess mun fastur þáttur í útgáfu vera birting ritdóma um nýjar bækur og gamla fjársjóði, íslenskt og erlent. Tekið er á móti efni á netfangið: tiuthusundtregawott@gmail.com. Á sama netfang má senda tilkynningar um upplestra, nýjar bækur eða ábendingar um annað sem þið teljið eiga erindi í ljóðindastraum wattanna.

Í ritstjórn sitja Eiríkur Örn Norðdahl, Hildur Lilliendahl, Kári Páll Óskarsson og Jón Örn Loðmfjörð.