Tíu þúsund tregawött

Ritstjórn Tíu þúsund tregawatta — Tue, 08 Sep 2009 10:41:59 +0000

LJÓÐAGANGAN Í KRISTNESSKÓGI Á LAUGARDAGINN Laugardaginn 12. september verður farin ellefta Ljóðagangan. Að þessu sinni verður farið um Kristnesskóg í Eyjafjarðarsveit undir leiðsögn Helga Þórssonar. Fjölbreytt ljóðadagskrá í tali og tónum; ketilkaffi og meðlæti að hætti skógarmanna. ATH.: Ekki verður boðið upp á rútuferð en þeir sem tök hafa á að bæta við sig farþegum eru góðfúslega beðnir að mæta við Amtsbókasafnið kl. 13:30, sem og þeir sem þurfa far. Aðrir mæti við Kristnesspítala kl. 14:00.

Ritstjórn Tíu þúsund tregawatta — Sun, 30 Aug 2009 15:13:36 +0000

Tregawöttin vilja benda lesendum sínum á bókina Af steypu, frá Nýhil, en hún fjallar (meðal annars) um efnisleika ljóða. Meira hér.

Ritstjórn Tíu þúsund tregawatta — Thu, 20 Aug 2009 17:31:08 +0000

Ný Tregawött

Meðal efnis: Gleði, hamingja, rúst, ljóð á ljóðaljóð ofan á ljóðaljóðaljóð ofan! Þýðingar, skáld, myndir – ekkert hefur nokkru sinni verið jafn gott!

Að þessu sinni er blaðið líka prentað og ætti að finnast á víð og dreif um höfuðborgarsvæðið.

Haukur Már Helgason er ritstjóri.

Netútgáfan er pdf!

Hugsa sér!

Ritstjórn Tíu þúsund tregawatta — Thu, 20 Aug 2009 17:26:23 +0000

4. tbl - ágúst, 2009

Smellið hér fyrir stærra skjal en á myndina fyrir minna skjal.

Ritstjórn Tíu þúsund tregawatta — Mon, 17 Aug 2009 16:22:23 +0000

Tregawöttin vilja byrja á því að biðjast velvirðingar á að hafa verið í örlitlu sumarfríi.

En síðan benda á þetta: Alþjóðleg ljóðahátíð Nýhil hefst á miðvikudag.

Andspyrna fjallar um þrjár nýlegar ljóðabækur: Usli: Kennslubók e. dr. Usla - Ég hata alla e. Bryndísi Björgvinsdóttur og Það sem mér finnst helst að heiminum eftir Ingólf Gíslason.

Eiríkur Örn Norðdahl fjallar um Hvíslur eftir Frosta Friðriksson.

Ritstjórn Tíu þúsund tregawatta — Fri, 03 Jul 2009 14:41:10 +0000

Nýtt tölublað af Tregawöttum: Konur hafa í gegnum tíðina verið notaðar til að selja allt milli himins og jarðar, frá bílum til tannkrems til trygginga og sjálfsvarnarnámskeiða, og nú er röðin komin að ljóðlistinni. Í kvenþemariti Tregawattanna, sem ritstýrt var af Hildi Lilliendahl, er að finna ljóð um konur og eftir konur, ritgerðir um konur og ljóð kvenna, sjónvarpsþátt um konur, þýðingar á verkum kvenna og meira að segja myndir af konum. Smellið hér fyrir herlegheitin.

Ritstjórn Tíu þúsund tregawatta — Fri, 03 Jul 2009 13:49:42 +0000

3. tbl - júlí, 2009

Ritstjórn Tíu þúsund tregawatta — Thu, 02 Jul 2009 14:22:56 +0000

Út er komin ný ljóðabók eftir Bjarna Bernharð, Blóm í byssukjafta græðginnar. Í tilkynningu segir að í bókinni megi finna óræð myndljóð í knöppu formi, önnur opin og glaðleg, fáein hvassyrtari, en öll séu þau fáguð og beri jafnframt skýr einkenni höfundarins. Meira um bókina hér.

Ritstjórn Tíu þúsund tregawatta — Tue, 23 Jun 2009 09:43:40 +0000

Bókmenntakvöld verður haldið á Populus Tremula, Akureyri, þann 26. júní næstkomandi. Eigið efni lesa Jóna Hlíf, Gunnar M. G. og Þórgnýr Inguson en einnig koma fram Ingimar Björn Davíðsson og Michael Boudreau og fara með fornar rímur í bland við nútímakveðskap úr Vesturheimi. Dagskrá hefst kl. 10 en hús opnar 21:30. Þetta er jafnframt síðasti viðburðurinn í Populus fyrir sumarlokun.

Ritstjórn Tíu þúsund tregawatta — Mon, 15 Jun 2009 10:55:10 +0000

Laugardaginn 20. júní verður ljóðadagskrá með rokkuðu ívafi í Verksmiðjunni á Hjalteyri. Umsjónarmaður dagskrárinnar er skáldið og rithöfundurinn Einar Már Guðmundsson en sérlegir gestir hans verða söngvaskáldin Kristján Pétur Sigurðsson og Þórarinn Hjartarson. Dagskráin hefst kl. 21:00 og er enginn aðgangseyrir og allir velkomnir. Frekari upplýsingar hér.